كشفت الفنانة فريدة سيف النصر، عبر حسابها الرسمي بموقع تداول الصور والفيديوهات «إنستجرام» عن تعرضها للسرقة داخل منزلها، وذلك أثناء غيابها عن المنزل.
وكتبت فريدة سيف النصر، عبر حسابها على «إنستجرام» لتكشف عن تفاصيل تعرضها للسرقة، قائلة: «ياجماعه طنط فريده إتروقت جامد، استغرب جدا من اللي يمد أيده ياخد حاجاتك بمنتهي البجاحه ويسرقك وأنت مآمناه جدًا، طيب إزاي هتسلم بيتك لحد، وتلاقيه خانك».
وتابعت: «ممكن تأذيه لكن يصعب عليك عيالهم.. برغم إن سهل جدًا لو طلبوا الحاجات دي تديهالهم بطيب خاطر وبالحلال بدل ما يبقوا حراميه وخاينين، أنا أول مرة في حياتي أبعد عن بيتي كتير، ومن يوم ما رجعت للنهارده كل شويه اكتشف كوارث متاخدة، كل ما أحتاج حاجة أدور ما لاقيهاش».
وأضافت: «منك لله يا شيخه، ياجماعه أنا واضح إني سلمت بيتي لعديمة أمانة وخاينة.. .لكن لو في عندها ضمير؟.. ضمير أيه وزفت أيه يافريدة، العوض علي الله بس مش هاتتهني أنا عارفة نفسي اللي بيخونني أو يظلمني ربنا في ظهري.. حسبي الله بجد.. هو أنا ناقصه، الحمدلله».